Жеке тұлғаның іс-әрекетіндегі коммуникативті құзыреттіліктің рөлі мен маңызы

Аңдатпа

Мақалада тілдік қарым-қатынаста коммуникативті құзыреттілікті қалыптастыру және жүзеге асыру мәселесі қарастырылады. Тиімді қарым-қатынас және өзара әрекеттесудегі тиімді оң іс-әрекет үшін адам коммуникативті құзыреттілікті қалыптастыруы керек деп санаймыз. Іске асыруда мыналарды ашуға мүмкіндік береді: біріншіден, коммуникативті әлеует, екіншіден, алған білім, білік, дағдылар, үшіншіден, оларды сөйлеу ортасында белсенді пайдалану. Осыған байланысты «Тілдік қарым - қатынастағы коммуникативті іс-әрекет»   арнайы курс шеңберінде коммуникативтік құзыреттілікті қалыптастыру бойынша практикалық ұсынымдар ұсынылды. Арнайы курсты енгізу коммуникацияның тиімділігін арттырудың барлық әдіс- тәсілдерін жүзеге асыруға, қарым - қатынас пен іс-әрекетті реттеудегі коммуникациялық міндеттерді орындауды жеңілдетуге мүмкіндік береді.  Курсты енгізудің мақсаты - өзге ұлт тілді  оқушыларының  коммуникативтік құзыреттілігін қалыптастыру. Сондай-ақ, мақалада  арнайы курс аясында коммуникативті құзыреттілікті қалыптастыру технологиясының талдауы  берілген.Егер жалпы адамның іс-әрекетіне  үлкен әсер ететін коммуникативті құзыреттілік қалыптасса, екі адамның коммуникативті өзара әрекеттесуі  ұтымды болады деген шешімге келе аламыз.